बढ्यो डिजेल र मट्टितेलको मूल्य

काठमाडौँ। नेपाल आयल निगमले डिजेल र मट्टितेलको मूल्य बढाएको छ।  

निगमको आज बसेको सञ्चालक समितिको बैठकले मध्यरातदेखि लागू हुने गरी डिजेल र मट्टितेलको साबिकको बिक्री मूल्यमा प्रतिलिटर ३ रूपैयाँ बढाएको हो।

 मूल्य समायोजनसँगै डिजेलरमट्टितेल पहिलो वर्गका लागि प्रतिलिटर १५० रूपैयाँ ५० पैसा, दोस्रो वर्गमा १५२ रूपैयाँ र तेस्रो वर्गका लागि प्रतिलिटर १५३ रूपैयाँ कायम भएको छ। निगमले चारआली, विराटनगर, जनकपुर, अमलेखगन्ज, भलबारी, नेपालगञ्ज, धनगढी र वीरगञ्ज डिपो पहिलो वर्ग, सुर्खेत र दाङ दोस्रो तथा काठमाडौँ, पोखरा र दिपायलस्थित डिपोलाई तेस्रो वर्गमा वर्गीकरण गरेको छ।

 इन्डियन आयल कर्पोरेशनबाट आज प्राप्त नयाँ खरिद मूल्यअनुसार प्रतिलिटर पेट्रोलमा रू ०.३२ र डिजेलमा रू २.५४ ले बढेर आएकाले मूल्य समायोजन गरिएको निगमले जनाएको छ।