महालक्ष्मी विकास बैंकको नाफा २४.५२ प्रतिशतले बढ्यो

काठमाडौँ।  महालक्ष्मी विकास बैंक लिमिटेडले गत आर्थिक बर्ष २०८०/८१ मा ४७ करोड १ लाख रूपैयाँ नाफा आर्जन गरेको छ। 

बैंकले सार्वजनिक गरेको गत आर्थिक बर्षका चौथो त्रैमाससम्मको वित्तीय विवरण अनुसार बैंकले एक बर्षको अवधीमा ४७ करोड १ लाख ४१ हजार रूपैयाँ नाफा आर्जन गरेको छ। जुन अघिल्लो आ.व. २०७९/८० को तुलनामा २४.५२ प्रतिशत धेरै हो। अघिल्लो वर्ष यसले ३७ करोड ७५ लाख रूपैयाँ नाफा कमाएको थियो। 

यता, बैंकको नाफा बढेता पनि खुद ब्याज आम्दानी भने थोरै अंकले घटेको छ। अघिल्लो आ.व.मा १ अर्ब ९४ करोड रहेको उक्त आम्दानी ०.७४ प्रतिशतले घटेर १ अर्ब ९३ करोड रूपैयाँ कायम भएको छ। 

साथै, बैंकको इम्पेयमेन्ट चार्ज २६.९८ प्रतिशत घटेर ३७ करोड १ लाख रूपैयाँ कायम भएको छ।  बैंकको इम्पेयरमेन्ट चार्ज घट्दा नाफा बढेको हो। 

विवरण अनुसार गत आ.व.मा बैंकले ६७ करोड ७५ लाख ९ हजार रूपैयाँ सञ्चालन मुनाफा आर्जन गरेको छ। जुन अघिल्लो आ.व.को तुलनामा १८.६८ प्रतिशतले बढेको हो। अघिल्लो आ.व.मा बैंकको यस्तो नाफा ५७ करोड ८ लाख ५५ हजार रूपैयाँ थियो।  

चक्ता पुँजी ४ अर्ब १७ करोड १३ लाख १८ हजार रूपैयाँ रहेको महालक्ष्मीको जगेडा कोषमा २ अर्ब ३४ करोड ३८ लाख रूपैयाँ जम्मा रहेको छ। यता, यसको वितरणयोग्य नाफा १७ करोड ७१ लाख रूपैयाँ देखिएको छ। 

बैंकको प्रतिसेयर आम्दानी ११‍२७ रुपैयाँ रहेको छ।  प्रतिसेयर नेटवर्थ भने १६०‍.४४ रूपैयाँ छ। एनपीएल ४.५८ प्रतिशत कायम भएको छ।