वास्तु विज्ञानअनुसार यस्तो छ झ्यालको महत्व

काठमाडौँ।  वास्तु विज्ञानले घरको समग्र स्वरूप कस्तो हुनुपर्छ भनेर शंकेत गर्छ। 

यसका साथै कस्तो माटोमा घर बनाउने, मोहोडा कुन दिशामा फर्काउने, शयन कक्ष लगायत कुन–कुन दिशामा बनाउने, झ्याल–ढोका कति राख्ने इत्यादिको धेरै नै महत्व रहेको छ।  

घर बनाउँदा वास्तु विज्ञान अनुसार बनाएमा शुभ हुने विश्वास गरिन्छ। वास्तवमा वास्तु आफैंमा यस्तो विज्ञान हो, जसले भरपर्दो, सहज, सुविधाजनक घर निर्माणका लागि मार्ग देखाउँछ।

घर बनाउँदा धेरै कुरामा ध्यान दिनुपर्छ। झ्याल, ढोका, कोठा, भान्छा, बाथरूमले पनि तपाईंको भाग्यलाई बदल्न सक्छ। किनकि वास्तु शास्त्रका अनुसार यी चीजहरूले तपाईंको घरमा धनको आगमनलाई रोक्न सक्छ। यद्यपि घर निर्माण गर्दा धेरै मानिस झ्याललाई खासै ध्यान दिएको पाइँदैन। तर यी झ्यालहरूले तपाईंको भाग्य पनि बदल्न सक्छ। 

घर बनाउँदा झ्याललाई कुन दिशातर्फ राख्दा शुभ हुन्छ? 

झ्याललाई पूर्व, पश्चिम दिशा बनाउनुहोस्

नयाँ घर बनाउँदा झ्यालको दिशालाई पनि ध्यान दिनुपर्छ। वास्तु शास्त्र अनुसार पूर्व, पश्चिम र उत्तर दिशामा झ्याल बनाउनु शुभ मानिन्छ। यस दिशामा झ्याल बनाउनाले घरमा सुख–समृद्धि आउँछ र धन वृद्धि हुन्छ। 

कुन दिशामा झ्यालहरू थप्न सकिन्छ?

तपाईँ नयाँ घर बनाउँदै हुनुहुन्छ भने ध्यान दिनुहोस् कि धेरै भन्दा धेरै झ्यालहरू पूर्व दिशामा राख्नु उत्तम मानिन्छ। मान्यता अनुसार यस दिशामा झ्याल राख्दा वा बनाउँदा सौभाग्य प्राप्त हुन्छ। यस दिशामा राखिएको झ्यालले घरमा सकारात्मक ऊर्जा ल्याउँछ। यसका साथै परिवारका सदस्यहरूका लागि पनि सफलताको बाटो खुल्छ र सधैं सकात्मक उर्जा मिलिरहन्छ।

पुरानो झ्यालहरू हटाउनुहोस्

नयाँ घर बनाउँदा धेरैले पुरानो झ्याल घरमा राख्छन् तर वास्तु शास्त्रका अनुसार पुरानो झ्याल घरमा राख्नु अशुभ मानिन्छ। यसो गर्नाले घरमा धन आउन बन्द हुन्छ। परिवारमा खर्च पनि बढ्न थाल्छ। यसबाहेक परिवारका सदस्यको आम्दानी पनि घट्न थाल्छ।