पुरानो लाभांश लिन तथा शेयर अभौतिकिकरण गर्न तारागाउँ रिजेन्सी होटल्सको आग्रह

काठमाडौँ। तारागाउँ रिजेन्सी होटल्स लिमिटेडले विभिन्न आर्थिक वर्षमा वितरण गरेको पुरानो नगद लाभांश रकम तथा बोनस शेयर लिन बाँकी सम्बन्धित शेयरधनीहरूलाई आग्रह गरेको छ।

होटल्सले वितरण गरेको लाभांश अझैसम्म पनि केही शेयरधनीले नलिएको जनाएको छ। त्यस्तो शेयरधनीको विवरण शेयर रजिष्ट्रार एनआईसी एशिया क्यापिटलको वेबसाइटमा राखिएको पनि उल्लेख गरेको छ।

विभिन्न आ.व. मा वितरण गरेको बोनस शेयरको प्रमाणपत्र सङ्कलन गरी उक्त शेयर प्रमाणपत्र अभौतिकिकरण गर्न समेत आग्रह गरेको छ। 

साथै डिम्याट खाता नवीकरण नगरेका, शेयर अभौतिकीकरण नगरेका र विवरण अद्यावधिक नगरेका शेयरधनीलाई पनि अद्यावधिक गर्न आग्रह गरेको छ।