८४ दिनमा ४८ करोड कमाउँदै ‘पूर्ण बहादुरको सारङ्गी’ले बनायो नयाँ कीर्तिमान

काठमाडौं । नेपाली सिने क्षेत्रमा ऐतिहासिक सफलता हासिल गर्दै चलचित्र 'पूर्ण बहादुरको सारङ्गी' ले नयाँ रेकर्ड बनाएको छ। यो चलचित्रले अहिलेसम्म ४८ करोड ७ लाख रुपैयाँ कमाउँदै नेपाली सिने इतिहासमै सर्वाधिक कमाई गर्ने चलचित्रको सूचीमा शीर्ष स्थान कब्जा गरेको छ।

चलचित्र अहिले पनि प्रदर्शनरत छ, र ८४ दिनसम्म लगातार हलहरूमा सफलतापूर्वक चलिरहेको छ। सफलताको यो लहरलाई मध्यनजर गर्दै, निर्माण पक्षले  विशेष सफलता समारोह आयोजना गरेको थियो ।

नेपाली सिनेमाको इतिहासमै धेरै ऐतिहासिक कृतिमानहरू

सर्वाधिक कमाउने सिनेमा: 'पूर्ण बहादुरको सारङ्गी' ले नेपाली फिल्म उद्योगमा नयाँ आयाम थप्दै सबैभन्दा बढी कमाई गर्न सफल भएको छ।

सर्वाधिक हल पाउने सिनेमा: चलचित्रले देशभरका धेरैजसो हलहरूमा प्रदर्शनको अवसर पाएको छ।

ऐतिहासिक सफलता: सन्देशमूलक कथा, उत्कृष्ट प्रस्तुति, र कलाकारहरूको सशक्त अभिनयका कारण दर्शकहरूको मन जित्न चलचित्र सफल भएको हो।

यो चलचित्रले नेपाली समाजको सांस्कृतिक सम्पदा र परम्परागत संगीतलाई मर्मस्पर्शी ढंगले प्रस्तुत गर्दै दर्शकहरूलाई भावनात्मक रूपमा जोड्न सकेको छ।

निर्देशक, निर्माता र कलाकारहरूले चलचित्रलाई दर्शकले दिएको माया र समर्थनप्रति आभार व्यक्त गर्दै, आगामी दिनमा अझ उत्कृष्ट चलचित्र निर्माण गर्ने प्रतिवद्धता जनाएका छन्।