यामाहा नेपालद्वारा ७.९९% ब्याजदरमा ‘Dream It, Own It’ योजना सार्वजनिक

काठमाडौं । यामाहा नेपालले क्रिसमस र नयाँ वर्षको अवसरमा आफ्ना ग्राहकहरूका लागि आकर्षक योजना ल्याएको हो । ‘Dream It, Own It’ नामक यो विशेष वित्तीय योजना अन्तर्गत ग्राहकहरूले ७.९९% को न्यून ब्याजदरमा यामाहाका मोटरसाइकल वा स्कुटर किन्न सक्नेछन्।

 सीमित अवधिका लागि मान्य हुने यो योजना २०७९ पुष १० (२०२४ डिसेम्बर २५) देखि लागू ।

योजनाका प्रमुख विशेषताहरू

ब्याजदर: केवल ७.९९%।

डाउन पेमेन्ट: कम्तीमा ४०%।

लचिलो किस्ताबन्दी: ग्राहकहरूको आवश्यकता अनुसार ईएमआई योजना।

सरल प्रक्रिया: न्यूनतम कागजी कामका साथ सजिलो खरिद।

यामाहाले ‘Dream It, Own It’ योजना मात्र नभई, ‘Test Ride & Win’ अभियान पनि सार्वजनिक गरेको छ। यसअन्तर्गत ग्राहकहरूले यामाहा सवारी साधनको टेष्ट राइड गरेर निश्चित उपहारहरू जित्न सक्नेछन्। लक्की ड्रबाट थप आकर्षक पुरस्कार जित्ने अवसर पनि प्रदान गरिनेछ।

एमएडब्लु राइड्सका कार्यकारी निर्देशक एवं सीईओ श्री दीपक कुमार अग्रवालले भन्नुभयो, "‘Dream It, Own It’ योजना मार्फत हामी यामाहा मोटरसाइकल र स्कुटरहरू अझ पहुँचयोग्य बनाउनेछौं। उत्कृष्ट प्रदर्शन, १० वर्षे वारेन्टी, र एफ.आई. प्रविधिले ग्राहकहरूको सन्तुष्टिमा नयाँ उचाइ थप्नेछ।"

यामाहा नेपाल, एमएडब्लु इन्टरप्राइजेजको सहायक कम्पनी, प्राविधिक उत्कृष्टता, नवीनता, र ग्राहक सन्तुष्टिप्रतिको प्रतिबद्धताका कारण बजारमा अग्रणी स्थानमा छ।

यामाहा नेपालले पहिलो पटक एफ.आई. प्रविधि प्रयोग भएका मोटरसाइकल र स्कुटर नेपाली बजारमा भित्र्याएको हो। कम्पनीसँग १०० भन्दा बढी एफ.आई. स्टेसनहरू र १००+ आधिकारिक डिलर आउटलेटहरू छन्। यामाहा नेपाल हाल देशको दोस्रो ठूलो अटोमोबाइल कम्पनी हो।

ग्राहकहरूलाई उत्कृष्ट सवारी अनुभव प्रदान गर्दै, ‘Dream It, Own It’ योजना यामाहाको ग्राहकप्रतिको समर्पणलाई अझ सशक्त बनाउने विश्वास गरिएको छ।

#YAMAHA