गायिका रिता श्रेष्ठको नयाँ गीत ‘हातैमा चुरा छन छन’ सार्वजनिक

काठमाडौं ।  गायिका रिता श्रेष्ठको स्वरमा नयाँ गीत ‘हातैमा चुरा छन छन’ सार्वजनिक भएको छ। आदेश गुरुमाचनको संगीत र समिर राईको शब्दमा आधारित यो गीत प्रेम र प्रेमका सुनौला क्षणहरूलाई आकर्षक रूपमा प्रस्तुत गरिएको छ।

गीतको म्युजिक भिडियोको निर्देशन र कोरियोग्राफी अनुप डगोलले गरेका छन् भने छायांकन र सम्पादन विजय राज भुर्तेलले गरेका छन्। भिडियोमा मोडल समिक्षा पोखरेल र एस राज गाराचको अभिनय देख्न सकिन्छ।

प्रेमिल भावनालाई कलात्मक शैलीमा उतार्ने यस गीतले श्रोताको मन जित्ने अपेक्षा गरिएको छ। भिडियोको छायांकन, सम्पादन, र मोडलहरूको प्रस्तुति गीतसँग राम्रोसँग मेल खाएको छ, जसले दर्शकलाई थप आकर्षित गरेको छ।