३९५ किमीसम्मको रेन्ज प्रदान गर्ने लिपमोटर T03 नेपालमा लन्च, मात्र रु. २८.९९ लाख मा

काठमाडौं। नेपालका लागि आधिकारिक आयातकर्ता सा‌ङ्ग्रिला मोटर्स प्रा. लि. ले लिपमोटर T03 नेपालमा भव्य समारोहबीच लन्च गरेको छ। प्रतिष्ठित गोल्छा संगठनको सदस्य रहेको सा‌ङ्ग्रिला मोटर्सले २०८१ फागुन २० गते सिल्वर ओक ब्यान्क्वेट, काठमाडौंमा लिपमोटर T03 सार्वजनिक गरेको हो।

लिपमोटर T03 को विशेषताहरू

✅ ३७.३ kWh ब्याट्री

✅ WLTP कम्बाइन्ड रेन्ज – २६५ किमी

✅ अर्बन साइकल रेन्ज – ३९५ किमी

✅ लेभल २ एडभान्स्ड LEAP पाईलट सेफ्टी असिस्टेन्स

✅ स्मार्ट र सुरक्षित ड्राइभिङ अनुभव

सा‌ङ्ग्रिला मोटर्सका प्रबन्ध निर्देशक हेमन्त गोल्छाले नेपालमा नवीनतम र दिगो विद्युतीय सवारी साधनहरू ल्याउने प्रतिबद्धतालाई निरन्तरता दिन पाउँदा खुसी व्यक्त गर्नुभएको छ।

नेपाल राष्ट्रिय क्रिकेट टोलीका कप्तान तथा लिपमोटर र सिट्रोनका ब्रान्ड एम्बेसडर रोहित पौडेल पनि कार्यक्रममा उपस्थित थिए। उनले ब्रान्डको नेतृत्व, दृढता र उत्कृष्टताको महत्त्व उल्लेख गर्दै नेपालमा विद्युतीय सवारीको भविष्यबारे आफ्नो धारणा प्रस्तुत गरे।

सा‌ङ्ग्रिला मोटर्स नेपालमा प्यूजो (Peugeot) र सिट्रोन (Citroën) का आधिकारिक वितरकका रूपमा २०१७ देखि सक्रिय छ। कम्पनीले सिट्रोन C10 लन्च गरेपछि लिपमोटर T03 भित्र्याएर नेपाली बजारमा ईभी (EV) प्रविधि र दिगो यातायातको नयाँ युग सुरू गरेको छ।

नेपालमा विद्युतीय सवारीसाधन (EV) को माग तीव्र रूपमा बढ्दै गइरहेका बेला लिपमोटर T03 को लामो रेन्ज, सुरक्षित प्रविधि र आकर्षक डिजाइन उपभोक्ताहरूका लागि उत्कृष्ट विकल्प बन्ने अपेक्षा गरिएको छ।

#LipmotorT03 #SangrilaMotors #ElectricCarNepal #EVinNepal #SustainableMobility