कोशी, बागमती र गण्डकी प्रदेशको पहाडी क्षेत्रमा मध्यम देखि भारी वर्षाको सम्भावना

काठमाडौं। नेपालमा मनसुनको न्यून चापीय रेखा सरदर स्थानको आसपासमा अवस्थित रहेकाले मनसुनको प्रभाव सामान्य रहेको छ। बंगालको खाडीबाट जलवाष्पयुक्त हावाको प्रवाह निरन्तर छ। 

हाल कोशी, मधेश, कर्णाली र सुदूरपश्चिम प्रदेशमा सामान्यतया बदली र बाँकी प्रदेशमा मुख्यतः सफा देखि आंशिक बदलीको अवस्था छ। सुदूरपश्चिम प्रदेशको पहाडी भू-भागमा मेघगर्जन र चट्याङसहित मध्यम वर्षा भइरहेको छ भने कोशी, बागमती, गण्डकी र कर्णाली प्रदेशका केही स्थानमा हल्का वर्षा भएको छ। 

कोशी, मधेश, बागमती, गण्डकी, लुम्बिनी, कर्णाली र सुदूरपश्चिम प्रदेशमा दिउँसो हिमाली क्षेत्रमा सामान्य बदलीसहित थोरै स्थानमा मध्यम वर्षा, पहाडी क्षेत्रमा सामान्य बदलीसहित कोशी, बागमती र गण्डकीमा मध्यमदेखि भारी वर्षा र अन्यमा मध्यम वर्षा, तथा तराई क्षेत्रमा आंशिकदेखि सामान्य बदलीसहित मधेश, लुम्बिनी र सुदूरपश्चिममा मध्यम वर्षा र अन्यमा एक-दुई स्थानमा मध्यम वर्षाको सम्भावना छ। रातको समयमा हिमाली क्षेत्रमा सामान्य बदलीसहित कोशी, बागमती र गण्डकीमा मध्यमदेखि भारी वर्षा, पहाडी क्षेत्रमा सामान्य बदलीसहित कोशी, बागमती र गण्डकीमा मध्यमदेखि भारी वर्षा र अन्यमा मध्यम वर्षा, तथा तराई क्षेत्रमा सामान्य बदलीसहित कोशी, मधेश, बागमती, गण्डकी र सुदूरपश्चिममा मध्यम वर्षाको सम्भावना छ।

आगामी २४ घण्टाका लागि चेतावनी तथा परामर्श

कोशी, बागमती र गण्डकी प्रदेशको पहाडी भू-भागका एक-दुई स्थानमा भारी वर्षाको सम्भावना रहेकोले पछिल्लो मौसमी सूचनाको जानकारी लिन सर्वसाधारण तथा सबै सरोकारवाला निकायहरूलाई अनुरोध गरिएको छ।