सगरमाथा चढाइमा पहिलोपटक NCC केटा र केटीहरूको टोली : २०२५ को अभियान सुरु

काठमाडौं। भारतको नेशनल क्याडेट कोर (NCC) को इतिहासमै पहिलोपटक केटा–केटीहरूको सगरमाथा आरोहण टोली नेपाल आइपुगेको छ। "NCC Boys and Girls Mount Everest Expedition 2025" नाम दिइएको अभियान सेभेन समिट ट्रेक्स प्रालि को व्यवस्थापनमा सञ्चालन हुँदैछ।

टोलीमा ५ केटा र ५ केटी गरी १० जना युवा क्याडेटहरू छन्, जसको उमेर १६.५ देखि १९ वर्षसम्म रहेको छ। उनीहरूसहित १९ जना आरोहण सदस्य तथा ६ जना आधार शिविरका लागि खटिएका भारतीय सेनाका सदस्यहरू छन्।

यो अभियानको नेतृत्व सन् २०२१ मा सगरमाथा सफलतापूर्वक आरोहण गरिसकेका कर्नेल अमित विष्टले गरेका छन्। सँगै, टोलीसँग सुरक्षाका लागि अनुभवी शेर्पाहरू, चिकित्सक टोली, प्रशिक्षकहरू, र व्यवस्थापनमा खटिएको सेभेन समिट ट्रेक्स को भरपर्दो टीम रहेको छ।

भारतीय सेनाको सहयोगमा NCC को यो पहिलो हिमाली अभियान सैनिक प्रशिक्षणको एक ऐतिहासिक प्रयास मानिएको छ, जसले भविष्यका युवा नेतृत्वकर्ताहरूलाई हिमाली चुनौतीहरू सामना गर्न तयार बनाउने लक्ष्य राखेको छ।