घट्यो सुनको मूल्य कतिमा हुँदैछ कारोबार?

काठमाडौँ। सुनको भाउ निरन्तर ओरालो लागेको छ। 

यो साताको ४ दिनमा सुनको भाउ ४३ सय रूपैयाँले घटेको छ। नेपाल सुन–चाँदी व्यवसायी महासंघका अनुसार बुधबार पनि छापावाल सुन प्रतितोला ४ सय रूपैयाँले घटेर १ लाख ६२ हजार २०० रूपैयाँ कायम भएको छ। 

यसअघि आइतबार, सोमबार र मंगलबार सुनको भाउ क्रमशः प्रतितोला ५ सय, १ हजार र २४ सय रूपैयाँले घटेको थियो। यसअघि, मंगलबार छापावाल सुन १ लाख ६२ हजार ६०० रूपैयाँमा कारोबार भएको थियो। 

त्यस्तै, आज (बुधबार) चाँदीको भाउ भने तोलामा १५ रूपैयाँले बढेर तोलाको १९ सय ४० रूपैयाँ कायम भएको छ। मंगलबार चाँदी प्रतितोला १९ सय २५ रूपैयाँमा कारोबार भएको थियो।