ओरालो लाग्यो सुनचाँदीको मूल्य: एकैदिनमा तोलामा २,९०० रुपैयाँले घट्यो सुनको मूल्य

काठमाडौं। नेपाली बजारमा आज सुनको मूल्य उल्लेखनीय रुपमा घटेको छ। नेपाल सुनचाँदी व्यवसायी महासंघका अनुसार शुक्रबार (असार १३ गते) फाइन गोल्ड (९९९९) को मूल्य प्रतितोला १ लाख ८९ हजार ४ सय रुपैयाँ कायम भएको छ, जुन हिजोको मूल्य (रु १,९२,३००) भन्दा २ हजार ९ सय रुपैयाँले कम हो।

त्यस्तै, चाँदी को मूल्य पनि सामान्य घटावट आएको छ। आज प्रतितोला २,१६५ रुपैयाँ मा कारोबार भइरहेको छ, जुन हिजोको मूल्य (रु २,१७५) भन्दा १० रुपैयाँले कम हो।

यसरी सुनको मूल्यमा आएको अचानक गिरावटले सुनचाँदी कारोबार र उपभोक्ताको क्रयशक्तिमा तत्कालीन प्रभाव पारेको देखिन्छ। बजार विश्लेषकहरूका अनुसार अन्तर्राष्ट्रिय बजारमा आएको उतारचढाव र अमेरिकी डलरसँगको विनिमय दरमा आएको परिवर्तनले नेपाली बजारमा सुनचाँदीको मूल्यमा असर गरेको हुन सक्छ।

व्यवसायीहरूका अनुसार आगामी दिनमा मूल्य अझै घट्ने वा स्थिर रहने भन्नेबारे अन्तर्राष्ट्रिय बजारको प्रवृत्तिमा भर पर्नेछ।