असोजमा रु २५८,००० प्रति तोला सम्म पुगेको सुन, आजको मुल्य २३६,३०० रहेको छ र चाँदी २,९८० प्रति तोला

काठमाडौं। नेपाल सुनचाँदी व्यवसायी महासंघले आज बिहिबार, कार्तिक १३, २०८२ (अक्टोबर ३०, २०२५) का लागि सुन र चाँदीको मूल्य सार्वजनिक गरेको छ। 

महासंघका अनुसार, आज तेजाबी सुन (९९.९९% शुद्ध) को मूल्य प्रति तोला २३६,३०० रुपैयाँ कायम गरिएको छ, जुन हिजोको तुलनामा कुनै परिवर्तन भएको छैन। हिजो पनि तेजाबी सुनको मूल्य प्रति तोला २३६,३०० रुपैयाँ नै रहेको थियो। 

यसैगरी, चाँदीको मूल्यमा हल्का वृद्धि भएको छ। आज चाँदीको मूल्य प्रति तोला २,९८० रुपैयाँ तोकिएको छ, जुन हिजोको २,९६५ रुपैयाँको तुलनामा १५ रुपैयाँले बढी हो। 

अन्तर्राष्ट्रिय बजारको स्थिरता र स्थानीय माग सन्तुलित रहनुका कारण सुनमा कुनै उतारचढाव नआएको व्यवसायीहरूले बताएका छन् भने चाँदीमा माग वृद्धिका कारण हल्का बढोतरी देखिएको छ।