देशका पहाडी भूभागमा हल्का वर्षा र हिमपातको सम्भावना, मौसम मुख्यतया सफा रहने विभागको पूर्वानुमान

काठमाडौं | जल तथा मौसम विज्ञान विभागको मौसम पूर्वानुमान महाशाखाले देशमा हाल पश्चिमी र स्थानीय वायुको आंशिक प्रभाव रहेको जनाएको छ। सो प्रभावका कारण आज देशका केही भागमा मौसम बदली रहने देखिएको छ।

महाशाखाका अनुसार अहिले कोशी, मधेश, बागमती, गण्डकी र लुम्बिनी प्रदेशमा आंशिक बदलीको अवस्था छ। दिउँसो देशको पहाडी भूभागमा आंशिक बदली रहनेछ भने बाँकी भूभागमा आंशिक बदलीदेखि मौसम मुख्यतया सफा रहने पूर्वानुमान गरिएको छ।

गण्डकी र कर्णाली प्रदेशका पहाडी क्षेत्रका एक-दुई स्थानमा मेघगर्जनसहित हल्का वर्षाको सम्भावना रहेको महाशाखाले जनाएको छ। त्यस्तै, कोशी, गण्डकी र कर्णाली प्रदेशका उच्च पहाडी तथा हिमाली भूभागमा हल्का हिमपात हुन सक्ने सम्भावना पनि रहेको छ।

आज राति कोशी र गण्डकी प्रदेशको पहाडी क्षेत्रमा आंशिक बदली रहनेछ भने अन्य भूभागमा मौसम सामान्यतया सफा रहने मौसम पूर्वानुमान महाशाखाले जनाएको छ। नागरिकहरुलाई आवश्यक सतर्कता अपनाउन विभागले अनुरोध गरेको छ।