माछापुच्छ्रे बैंकले बेसरेटमा 0.55% प्रिमियम ब्याजदरमै घरकर्जा दिने

काठमाडौँ।  माछापुच्छ्रे  बैंक लिमिटेडले आउदैँ गरेको नेपालीहरूको महान चाडपर्वलाई लक्षित गरी एक महिनाको लागि कर्जा सुविधामा छुट गर्ने योजना संचालनमा ल्याएको छ। 

तीज, दशैं, तिहार तथा छठ पर्वलाई लक्षित योजना अन्तर्गत माछापुच्छ्रे बैंक लिमिटेडले घर कर्जा लिने ग्राहकको लागि बेस रेटमा ०.५५ प्रिमियम ब्याजदरमा कर्जा उपलब्ध गराउने छ भने सोही ग्राहक गाडी कर्जा लिन ईच्छुक भएमा बेस रेटमा ०.५५ प्रिमियम व्याजदरमा कर्जा उपलब्ध गराउने छ। 

साथै उक्त कर्जा लिने ग्राहकहरूले क्रेडिट कार्ड लिन चाहेमा विशेष छुट समेत प्राप्त गर्न सकिने छ। त्यस्तै बैंकले १ करोडसम्मको साना तथा मझौला कर्जाको लागि बेस रेटमा १५ प्रिमियम ब्याजदरमा उपलब्ध गराउने छ। यसका साथै उल्लेखित कर्जाहरूको सेवा शुल्कमा समेत विशेष सहुलियत प्रदान गर्नेछ। माथि उल्लेखित अफरहरु भाद्र ३१ सम्मक मात्र लागू हुने बैंकले जनाएको छ।   

हरेक क्षेत्र र वर्गका ग्राहकहरुलाई सरल र सहज बैंकिङ्ग सेवा पुर्याउने उद्देश्यका साथ बैंकले देशका ७ वटै प्रदेशमा १६५ वटा शाखा, १२ वटा एक्सटेन्सन काउन्टर, १३० शाखारहित बैंकिङ्ग सेवा, २०२ वटा एटिएम मार्फत १५ लाख भन्दा बढी ग्राहक महानुभावहरुलाई सेवा प्रदान गर्दै आईरहेको छ।