सिद्धार्थ बैंकले कमायो ३ अर्ब १ करोड नाफा, प्रतिशेयर आम्दानी कति ?

काठमाडौँ। सिद्धार्थ बैंक लिमिटेडले गत आर्थिक बर्ष २०८०/८१ को चौथौ त्रैमासको वित्तीय विवरण प्रकाशित गरेको छ ।

बैंकले ३ अर्ब १ करोड नाफा कमाएको छ। गत आर्थिक वर्षको चौथो त्रैमासमा बैंकले सो नाफा कमाएको हो। यो अघिल्लो आर्थिक वर्षको सोही अवधिको तुलनामा ४.७८ प्रतिशत कम हो। अघिल्लो आर्थिक वर्षको सोही अवधिसम्ममा बैंकले ३ अर्ब १६ करोड रूपैयाँ नाफा कमाएको थियो।

असार मसान्तसम्ममा बैंकले ७ अर्ब ९९ करोड रूपैयाँ खुद ब्याज आम्दानी गरेको छ। अघिल्लो वर्षको सोही अवधिमा बैंकले ८ अर्ब १८ करोड रूपैयाँ खुद ब्याज आम्दानी गरेको थियो।

सो अवधिसम्ममा बैंकको वितरणयोग्य मुनाफा भने ३६ करोड ६६ लाख रूपैयाँ रहेको छ। १४ अर्ब ८ करोड रूपैयाँ चुक्ता पूँजी रहेको यस बैंकको जगेडा कोषमा १३ अर्ब ५७ करोड रुपैयाँ सञ्चित छ। 

सो बैंकले २ खर्ब ४१ करोड रूपैयाँ  निक्षेप संकलन गरी १ खर्ब ९५ अर्ब रूपैयाँ कर्जा  प्रवाह गरेको छ।  नाफासँगै बैंकको प्रतिशेयर आम्दानी पनि घटेको छ।  समीक्षा अवधिमा बैंकको यस्तो आम्दानी १ रूपैयाँ ७ पैसा घटेर २१ रूपैयाँ ४० पैसामा झरेको छ।

असार मसान्तसम्ममा बैंकको प्रतिशेयर नेटवर्थ १९६ रूपैयाँ ३६ पैसा र मूल्य आम्दानी अनुपात १३.२२ गुणा रहेको छ। सो अवधिसम्ममा बैंकको वितरणयोग्य मुनाफा भने ३६ करोड ६६ लाख रूपैयाँ रहेको छ।