अक्वेल ईभी नेपाल भित्रियो: ईभी गो नेपाल प्रालिमार्फत विद्युतीय माइक्रोबस र भ्यान लन्च

काठमाडौं। चीनको प्रख्यात कमर्सियल सवारी उत्पादक कम्पनी अक्वेल ईभी नेपालको बजारमा प्रवेश गरेको छ। ईभी गो नेपाल प्रालि लाई आधिकारिक बिक्रेताको रूपमा नियुक्त गरेसँगै अक्वेलले नेपालमा आफ्नो उपस्थिति विस्तार गरेको हो। यो कदमले नेपालको विद्युतीय सवारी साधन (EV) बजारमा नयाँ आयाम थप्ने अपेक्षा गरिएको छ।

दुई दशकदेखि कमर्सियल सवारी साधन उत्पादनमा अब्बल रहेको अक्वेल ईभी (चाइना) लिमिटेड ले पछिल्लो समय विद्युतीय सवारी साधनलाई प्राथमिकता दिँदै आएको छ। कम्पनीले ११ सिटदेखि ठूला विद्युतीय बस र विद्युतीय पिकअप सम्मको सम्पूर्ण लाइनअप उत्पादन गर्छ, जुन विश्वका ७० भन्दा बढी देशहरू मा बिक्री हुँदै आएको छ। अक्वेल र ईभी गो नेपाल प्रालिबीच भएको एक्सक्लुसिभ एग्रिमेन्ट ले नेपालमा यी सवारी साधनहरूको बिक्री–वितरण सुनिश्चित गरेको छ।

ईभी गो नेपाल प्रालिका प्रबन्ध निर्देशक अनुमकुमार बराल का अनुसार, सुरुवाती चरणमा अक्वेलका ११, १४, र १६ सिट क्षमताका विद्युतीय माइक्रोबस र भ्यान नेपाल भित्र्याइँदैछ। यी सवारी साधनहरू नेपालको शहरी र ग्रामीण मार्गहरूमा व्यावसायिक यातायातका लागि उपयुक्त छन्। कम्पनीले भविष्यमा १९ सिट, २५ सिट, र २६ सिटभन्दा ठूला विद्युतीय बस, साथै कार्गो ईभी भ्यान र मध्यम खालका विद्युतीय ट्रक ल्याउने योजना बनाएको छ। बजारको माग र आवश्यकताअनुसार यी सवारी साधनहरू क्रमशः उपलब्ध गराइनेछ।

चीनको फुजियान प्रान्तमा रहेको अक्वेलको अत्याधुनिक उत्पादन प्लान्ट र सान्डोङ प्रान्तमा रहेको केन्द्रीय कार्यालयले कम्पनीको विश्वव्यापी उपस्थितिलाई बलियो बनाएको छ। कम्पनीको आफ्नै R&D सेन्टर ले सवारी साधनको डिजाइन र प्रविधिमा निरन्तर नवप्रवर्तन गरिरहेको छ। अक्वेलको मुख्य विशेषता भनेको किफायती र उच्च गुणस्तरका स्पेयर पार्ट्स हो, जुन अन्य चिनियाँ कमर्सियल सवारी उत्पादकहरूको तुलनामा कम मूल्यमा उपलब्ध छन्।

ईभी गो नेपाल प्रालिले अक्वेलका विद्युतीय माइक्रोबस र भ्यानको बिक्रीसँगै सर्भिस सेन्टर निर्माणको काम शुरू गरिसकेको छ। प्रारम्भमा काठमाडौं मा सर्भिस सेन्टर स्थापना भइरहेको छ, र बिक्री वृद्धिसँगै पोखरा, चितवन, बुटवल जस्ता प्रमुख सहरहरूमा सर्भिस नेटवर्क विस्तार गर्ने योजना छ। कम्पनीले स्पेयर पार्ट्सको पर्याप्त उपलब्धता सुनिश्चित गर्न पनि काम शुरू गरेको छ, जसले ग्राहकहरूलाई सहज र किफायती मर्मत सेवा प्रदान गर्नेछ।

अक्वेल ईभीको नेपाल प्रवेशले व्यावसायिक यातायातमा विद्युतीय सवारी साधनको प्रयोगलाई प्रोत्साहन गर्ने अपेक्षा गरिएको छ। ईभी गो नेपाल प्रालिका प्रबन्ध निर्देशक बरालले भने,

“अक्वेलका विद्युतीय माइक्रोबस, भ्यान, र बसहरू नेपालको बजारमा गेम–चेन्जर बन्नेछन्। हामी गुणस्तरीय सवारी साधन, किफायती मर्मत, र बलियो सर्भिस नेटवर्कमार्फत ग्राहकको विश्वास जित्न प्रतिबद्ध छौं।”

अक्वेल ईभीको आगमनले नेपालको अटोमोबाइल बजारमा नयाँ उत्साह थपिएको छ। यो कदमले नेपालको दिगो मोबिलिटी र वातावरणमैत्री यातायात को लक्ष्यलाई समर्थन गर्छ। ईभी गो नेपाल प्रालिले अक्वेलका सवारी साधनहरूको प्रदर्शन र टेस्ट ड्राइभका लागि चाँडै नै काठमाडौंमा इभेन्ट आयोजना गर्ने योजना बनाएको छ।