टाइगर कप भलिबल: एपीएफसँग न्यू डायमण्ड सोझो सेटमा पराजित

काठमाडौँ। एनसेल पाँचौँ टाइगर कप राष्ट्रिय तथा अन्तर्राष्ट्रिय क्लब महिला तथा पुरुष भलिबल प्रतियोगिताको महिलातर्फ सशस्त्र प्रहरी बल एपिएफले टिपटप न्यू डायमन्ड स्पोर्टस क्लबलाई ३–० को सेटमा पछि पारेको छ।

कास्कीको पोखरा रंगशालास्थित भलिबल कोर्टमा आज भएको पहिलो खेलमा ‘जित्ने समूह’ अन्तर्गत एपिएफले न्यू डायमन्डलाई सोझो सेटमा पराजित गरेको हो। एपिएफले पहिलो सेट २५–२२, दोस्रो सेट २५–२३ र तेस्रो सेट २५–२१ को जित हात पार्न सफल भयो। एपिएफको निरुता ठगुन्ना टाइगर अफ द म्याच समेत घोषित भइन्। खेलको वेस्ट स्पाइकर न्यू डायमन्डकी सलिना बुढामगर बनिन्। ‘जित्ने समूह’ मा एपिएफ, न्यू डायमन्ड सहित आयोजक टोली छन्।

अब महिलातर्फ ‘हार्ने समूह’ बाट ट्राभल इन्क्वारी युनाइटेड प्यासन भलिबल क्लब र नेपाल पुलिस क्लबबीच प्रतिस्पर्धा हुनेछ। टाइगर ग्रुप अफ पोखराको आयोजनामा भएको उक्त प्रतियोगिता माघ १९ गतेसम्म जारी रहने छ।