भूमिसुधार तथा मालपोत कार्यालय भद्रपुरले गर्यो आर्थिक वर्ष २०८०/८१ मा उल्लेख्य राजस्व सङ्कलन

भद्रपुर | भूमिसुधार तथा मालपोत कार्यालय भद्रपुरले आर्थिक वर्ष २०८०/८१ मा रु ८० करोड ५८ लाख १४ हजार ५९२ राजस्व सङ्कलन गरेको छ। यो राजस्व ३६ हजार ८७५ थान रजिष्ट्रेशनबाट प्राप्त भएको हो।

आर्थिक बर्ष  २०८०/८१ मा स्थानीय तहले जग्गा वर्गीकरण गरी कित्ताकाट सुरु गरेपछि जग्गाको कारोबार बढेकाले राजस्व वृद्धि भएको हो। सूचना अधिकारी राजु दाहालका भन्नुहुन्छ “गत वर्षको तुलनामा यस आर्थिक वर्षमा रु २२ करोड १२ लाख ६९ हजार १९९ ले राजस्व वृद्धि भएको छ,” । गत आर्थिक वर्षमा रु ५८ करोड ४५ लाख ४५ हजार ३९३ राजस्व सङ्कलन भएको थियो ।

 यो आर्थिक वर्षमा सेवा करवापत रु ७ करोड ५१ लाख ३९ हजार ४७६, रजिष्ट्रेशन दस्तुरबाट रु ४७ करोड ३० लाख ३० हजार ५५४, छुटवापत रु ६ करोड २७ लाख ८७ हजार ६१२, डोर सुविधा शुल्क रु १ लाख ८९ हजार, पुँजीगत लाभकर रु ३२ करोड १ लाख २५ हजार २६७ र विलम्ब शुल्कवापत रु १ लाख १७ हजार ९०६ राजस्व सङ्कलन गरिएको उहाँले जानकारी दिनुभयो।