झापा इनर्जीको आईपीओ निष्कासन

काठमाडौँ। झापा इनर्जी कम्पनीले आजदेखि साधारण शेयर (आईपीओ) निष्कासन गरेको छ।    

कम्पनीले आज साउन १४ गते देखि पहिलो चरणमा आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूका लागि शेयर निष्कासन गरेको छ। 

कम्पनीले जारी पूँजी ३८ करोड १ लाख ९० हजार रुपैयाँको ३ करोड ८० लाख १९ हजार रुपैयाँको ३ लाख ८० हजार १९० कित्ता साधारण शेयर आयोजना प्रभावित स्थानीयलाई निष्कासन गरेको छ।

स्थानीय बासिन्दाहरूका लागि छुट्याइएको १ लाख ९० हजार ९५ कित्ता शेयर प्रत्यक्ष प्रभावित क्षेत्र झापा जिल्लाको शिवसताक्षी नगरपालिका–४ मा सौर्य विधुत आयोजना निर्माण र सञ्चालन भइरहेको स्थल र आयोजना क्षेत्रबाट १०० मिटर वरपरको क्षेत्रका बासिन्दाहरूमा बाँडफाँड गरिने जनाएको छ।  

बाँकी १ लाख ९० हजार ९५ कित्ता शेयर क्षेत्र बाहेकका झापा जिल्लाको शिवसताक्षी नगरपालिका–४ का बासिन्दाका लागि निष्कासन गरिने जनाइएको छ। यस्तै ५७ लाख २ हजार ९०० रुपैयाँ ५७ हजार २९ कित्ता शेयर विदेशमा रहेका नेपालीका लागि निष्कासन गरेको छ। 

आईपीओमा न्यूनतम १० देखि अधिकतम ५ हजार कित्तासम्म आवेदन दिन सकिने छ। आयोजना प्रभावित स्थानीयले साउन २८ गतेसम्म आवेदन दिन सक्नेछन्। उक्त अवधिमा माग अनुसार आवेदन नपरेमा भदौ १२ गतेसम्म आवेदन दिन सकिने छ।

वैदेशिक रोजगारीमा रहेका नेपालीहरूले १८ गतेसम्म आवेदन दिने सक्नेछन्। उक्त अवधिमा माग अनुसार आवेदन नपरेमा साउन २८ गतेसम्म आवेदन दिन सकिनेछ।

वैदेशिक रोजगारीमा रहेका नेपालीले नेपाल धितोपत्र बोर्डबाट सी आश्वा सदस्य रहेका बैंक तथा वित्तीय संस्था र मेरो शेयर मार्फत आवेदन दिन सकिने छ। यसको बिक्री प्रबन्धकमा हिमालयन क्यापिटल रहेको छ।

स्थानीयले हिमालय बैंकको दमक, दुधे तथा सुरुङ्गाका शाखा कार्यालय तथा आयोजना स्थलबाट आवेदन दिन सक्नेछन्।