अमेरिकी डलर स्थिर, अन्य प्रमुख मुद्रामा सामान्य उतार–चढाव

काठमाडौँ । आज आइतबारका लागि नेपाल राष्ट्र बैंकले सार्वजनिक गरेको विदेशी मुद्राको विनिमय दरअनुसार अमेरिकी डलरको दर अघिल्लो दिनको तुलनामा स्थिर रहेको छ भने अन्य प्रमुख मुद्राहरूमा सामान्य उतार–चढाव देखिएको छ। 

अमेरिकी डलरको खरिद दर १३७ रुपैयाँ ५४ पैसा र बिक्री दर १३८ रुपैयाँ १४ पैसा कायम गरिएको छ। युरोपेली युरोको दरमा सामान्य वृद्धि देखिँदै खरिद दर १६० रुपैयाँ १३ पैसा र बिक्री दर १६० रुपैयाँ ८३ पैसा पुगेको छ। 

त्यस्तै, बेलायती पाउण्ड स्टर्लिङको खरिद दर १८५ रुपैयाँ ५ पैसा र बिक्री दर १८५ रुपैयाँ ८५ पैसा रहेको छ। स्विस फ्र्याङ्कको खरिद दर १७१ रुपैयाँ ६१ पैसा र बिक्री दर १७२ रुपैयाँ ३६ पैसा रहेको छ भने अष्ट्रेलियन डलर ८९ रुपैयाँ ७१ पैसा खरिद र ९० रुपैयाँ १० पैसा बिक्री दरमा कायम छ। क्यानाडेली डलर १०० रुपैयाँ २३ पैसा खरिद र १०० रुपैयाँ ६७ पैसा बिक्री दरमा रहेको छ। जापानी येन (१० को दर) को खरिद दर ९ रुपैयाँ २६ पैसा र बिक्री दर ९ रुपैयाँ ३० पैसा छ भने चिनियाँ युआन १९ रुपैयाँ १६ पैसा खरिद र १९ रुपैयाँ २५ पैसा बिक्री दरमा उपलब्ध छ।

खाडी मुलुकहरूका मुद्रामा युएई दिराम ३७ रुपैयाँ ४५ पैसा खरिद र ३७ रुपैयाँ ६१ पैसा बिक्री दरमा रहेको छ। साउदी रियाल ३६ रुपैयाँ ६७ पैसा खरिद र ३६ रुपैयाँ ८३ पैसा बिक्री दरमा छ भने कतारी रियाल ३७ रुपैयाँ ७३ पैसा खरिद र ३७ रुपैयाँ ९० पैसा बिक्री दरमा उपलब्ध छ। बहराइनी दिनारको खरिद दर ३६४ रुपैयाँ ८० पैसा र बिक्री दर ३६६ रुपैयाँ ३९ पैसा रहेको छ भने कुवेती दिनार ४५० रुपैयाँ १५ पैसा खरिद र ४५२ रुपैयाँ १२ पैसा बिक्री दरमा रहेको छ। ओमानी रियाल ३५७ रुपैयाँ २४ पैसा खरिद र ३५८ रुपैयाँ ८० पैसा बिक्री दरमा छ।

त्यसैगरी, दक्षिण कोरियन वन (१०० को दर) को खरिद दर ९ रुपैयाँ ८९ पैसा र बिक्री दर ९ रुपैयाँ ९४ पैसा छ भने थाई भाटको खरिद दर ४ रुपैयाँ २५ पैसा र बिक्री दर ४ रुपैयाँ २७ पैसा रहेको छ। हङकङ डलर १७ रुपैयाँ ५२ पैसा खरिद र १७ रुपैयाँ ६० पैसा बिक्री दरमा रहेको राष्ट्र बैंकले जानकारी दिएको छ।